طريقه عمل البيتزا بطريقه رائعه وسهله وطريقه تقطيعها

السلام عليكم

 المقادير

3 كوب دقيق

3 ملاعق كبيرة زيت

1 و 1/2 ملعقة كبيرة خميرة فورية

1 كوب ماء دافئ

2 ملعقة كبيرة سكر

1 ملعقة صغيرة ملح

الصلصة

حبة طماطم كبيرة

علبة صلصة صغيرة او كيس

3 ملاعق زيت

ملح وفلفل وسنة قرفة وسنة كمون وملعقة سكر صغيرة

(ساعات بحط نعناع او روزمارى او ثوم ممكن كل مرة تغيروا عشان النكهة تكون مختلفة)


الحشوة

اللى تحبوه على البيتزا

كل مرة بحط حاجة

المرة دى

حطيت شرايح سجق حلبى

زيتون

فلفل اخضر

جبنة موزريلا


الطريقة

1- بحط فى العجانة الدقيق والخميرة والزيت والسكر والملح مع بعض

واسيبهم يتعجنوا 10 دقايق واعجنها بايدى بعد كده شوية

واذا هعملها يدوى من غير عجانة هايتعجنوا حوالى 20 دقيقة

2- بعد كده اسيبها تخمر حوالى ساعة

3- تجهيز الصلصة: 3 ملاعق زيت فى حلة وبعدين نكون بشرنا الطماطم

ونخلطها بالصلصة ونحطها فى الحلة

ونغطيها لغاية ما تتسبك ونحط التوابل بتاعتنا

4- الحشوة: هقطع السجق والفلفل الأخضر والزيتون

5- اجهز الفرن على درجة حرارة 200 سيليزيوس (عالية)

6- اجيب صينيتين وادهنهم بزبدة ورشة دقيق

7- اقسم العجينة 2 وافردها بالنشابة واحطها فى الصينية

وممكن من غير نشابة افردها فى الصينية بايدى على طول

7- ادهن بالفرشة زيت على وش البيتزا وبعدين احط الصلصة ماتكونش سخنة

8- احط الحشوة 


- ادخلها الفرن من 15-20 دقيقة

ملحوظة: 1- ساعات بحط فى العجينة روزمارى مطحون حوالى ملعقة صغيرة وبحطه فى الصلصة كمان

بتبقى ريحته جميلة جدا بس مش تكتروا ربع ملعقة صغيرة بس

2- ممكن تعملوها للأطفال مينى بيتزا او باشكال تانية وبيفرحوا بها اكتر

وبالف هنا وشفا